الاثنين، 16 مارس 2009

العالم الصخري

عالم صخري ...
فلنتخيل عالما مليء بالصخور لا حياة فيه لا يصلح لاي كائن ان يحيا في هذا العالم ....
الجبال من كل جانب الصخور في كل مكان ..
حتي قطرات المطر لا تستقر تنزل من السماء ثم بسرعة رهيبة تنزلق من فوق هذة الصخور الناعمة ......
عالم صلب الملامح ..... قاسي الشكل ....

ولكن في وسط كل هذا نبتت زهرة ... نبتت زهرة وسط الصخور ..
رقيقة ناعمة ملونة... تخالف طباع هذا العالم الغريب ... ولكن تعيش
فجذروها نبتت رفيعة ضعيفة وسط صخريتين صلبتين ... عندما ينزل المطر تنزلق حبات الماء بين تلك الصخرتين فتروي جذور زهرتنا ......
تلك الزهرة ليست بالقوية امام الرياح وليست بالعتية امام قوة الماء لا تمتلك صلابة الصخور ولا حدتها ولكن تملك مثابرة علي الحياة
عاشت وعاشت حتي ذبلت مثل اي شيء ولكن قبل ان تموت تركت وراءها زهورا اخري
وكثرت الزهور وتناثرت في جميع الانحاء وظلت ترشف قطرات الماء من بين الصخور حتي فتتها فقد ترسبت مياها الي التكوين الصخري العظيم ولكن لم يستطع الصمود امام قوة الماء وبمرور الايام ... تزداد الصخور ضعفا حتي تحول العالم ...
من عالم صخري الي عالم وردي ......
بقلم
بوها

هناك 20 تعليقًا:

بـــــــــــــــــــــــــــــــــــــــــــــــوها يقول...

الخاطرة دي انا بحبها اوي اوي

غير معرف يقول...

خاطرة جميلة جدا جدا جدا فيها معانى كتير زى اليأس فى اول الخاطرة اوحتنا بمشهد محبط فى الحياة وبعد كده ادتنا معنى الامل فى شكل زهرة صغيره وادنتا معنى التردد فى عدم قوة الزهرة هذه ولاكن يأتى معنى المثابرة يجدد ثقتنا فى هذه الزهرة مع انك أجبرتنا على الحزن بعد ان الزهرة ذبلت وماتت ولاكن جاء معنى جميل هو ثمرة كل هذه المعانى معنى الفوز وانتصار الخير على الشر فى ابسط معانيه

جميله جدا يا احمد جدا
مع انها فكرة مكررة بس هات كمان وكمان ابداعاتك
انت فنان كاتب موهوب

بـــــــــــــــــــــــــــــــــــــــــــــــوها يقول...

احييك بشدة علي رايك الجميل واحب اقولك ان اسمي بوها مش احمد
اشكر تحليلك الرائع للكلمات ويا رب تعجبكو بجد

غير معرف يقول...

برافو عليك يا بوها يا قمر انت
وحشتنا كلماتك مستين كمان وكمان منك يا قمر

بـــــــــــــــــــــــــــــــــــــــــــــــوها يقول...

ميمو حبيبي وحبيب قلبي ورفيق الكلية الحبيب
مستنيك علي طول يا حبي
ويا رب تكون عجبتك

غير معرف يقول...

جميله جدااااااااا بجد وربنا يخليك لينا وتكتبلنا على طوووووووووووووووول

بـــــــــــــــــــــــــــــــــــــــــــــــوها يقول...

الله يخليك يا حبي وربنا يخليك انت لينا يا باشا

غير معرف يقول...

لا بجد بجد عندك إحساس مرهف نابع من شخصية تعشق الخيال و ترى العالم بعين غير العين التي نرى بها ....
الخاطرة تبحث في موضوع رائع...
تدعو إلى الامل ، و ما أجمل الأمل .
ذكرتني بقصة قرأتها أحب ان اسردها عليك :
عن مريضان كانا في غرفة بأحد المشافي و كان أحدهما لا يقدر أن يقوم من على السرير ،اما الآخر فكان بجوار النافذة و كان من المسموح له ان يقوم من على السرير ساعة واحدة فقط من اليوم ، و كان الأول ينتظر تلك الساعة بفارغ الصبر لأنه في تلك الساعة يقوم الآخر وينظر من النافذة ليصف له العالم في الخارج وروعته و يصف الاطفال وهم يلعبون ويصف له جمال الزهور وروعة الحديقة .
إلا أنه في يوم من الأيام استيقظ الأول ليفجع بصاحبه ( من كان يصف له العالم ) ليعلم ان الله توفاه .
و حين جاءت الساعة المنتظرة التي طالما كان صاحبه يصف له فيها العالم من حوله طلب من الممرضة أن تقوم بدور صاحبه و تصف له العالم من النافذة و تصف له الحديقة و الأطفال إلا أنها فاجأته أن النافذة لا تطل على حديقة ، إنما تطل على الفناء الخلفي المهجور و حينما أخبرها أن صاحبه كان يصف الحديقة له كل يوم أخبرته بالمفاجاة التي أذهلته فقد كان صاحبه ضريرا .
إن ذلك الضرير ما فعل ذلك إلا لبث الأمل في صاحبه ، لأنه لولا الأمل ما كانت الحياة ، ولربما كانت أكبر المعوقات في الحياة هي اليأس.
إلى الأمام أخي الحبيب فلطالما آمنت أنك ذا حس مرهف و عقل حالم ، و قلب نابض بالأمل .
أخوك عبد الله أبو خزيم

بـــــــــــــــــــــــــــــــــــــــــــــــوها يقول...

والله انا مش عارف اقول قدام كلامك الكتير ده يا عبد الله حاجة بجد انا عجز عن الكلام طول عمرك جميل وحبيب قلبي علي طول ....
والقصة دي حلوة اوي اوي اوي اوي اوي اوي اوي ...
واشكرك يا حبيبي علي المجاملة الرقيقة الي ف اخر تعليقك ..
يا رب تكون معانا علي طول

غير معرف يقول...

بجد المدونة جامدة جدا يابوهة واحييك على خطوتك الجريئة وارجو من جميع الشباب ان يقتدو بك لأنك فعلا تستحق..
وشكرا

بـــــــــــــــــــــــــــــــــــــــــــــــوها يقول...

ابادلك التحية اخي والمدونة دي مجهود متواضع ارجو من الله عز وجل انه يوفقني للاحسن بفضله ورحمته
وانا اشجع كل الي ف سني انهم يفرغوا طاقاتهم في كل حاجة مفيدة
ويارب تبقي معانا علي طول

غير معرف يقول...

بجد خواطرك كلها جميلة جدا يا بوها
استمر يا حبى
ميدو

غير معرف يقول...

اية يا عم الجمال دة كله...
دايما انت كدة معودنا علي الحاجات الجامدة دي

وفي انتظار المزيد يا باشا ان شاء الله...

بـــــــــــــــــــــــــــــــــــــــــــــــوها يقول...

ميدو حبيب قلبي جزاك الله خيرا
اخي ان شاء الله المزيد في الطريق

غير معرف يقول...

انها نابعه عن احساس مرهف من شخص جميل لديه حس عالي نادرا ان تجده في اي شخص الا القليل مثل حبيبنا بوها
والف مبروك علي المدونه وان شاء الله تدوم وتدوم
وننتظر منك الجديد والجديد

بـــــــــــــــــــــــــــــــــــــــــــــــوها يقول...

جزاك الله خيرا اخي عبد الوهاب علي كلامك الجميل وده كتير عليا والله
ومنتظرك معايا علي طول يا حبي

غير معرف يقول...

وانا يا حبي ماقدرش ابعد عنك واسيبك
انا ان شاء الله معاك علي طوووووووووووووووووووول

بـــــــــــــــــــــــــــــــــــــــــــــــوها يقول...

وانا اتشرف بيك علي طول

Unknown يقول...

جميل اوى يا حبى والله رائع من غير مجمله
ومعنيها بجد معبره وفعلا احساسك صادق و معبر عن حقيقه بحبك اوى فى الله

مسلم عاشق للاسلام

بـــــــــــــــــــــــــــــــــــــــــــــــوها يقول...

والله يا واد يا ميدو او يا مسلم عاشق للاسلام احرجتني جامد بكلماتك الجميلة اوي اوي اوي اوي دي
وانا كمان بحبك جدا في الله
يا ريت تكون معانا علي طول يا حبي