السبت، 26 يونيو، 2010

شهيد الطوارئ



يا عم الضابط انت كداب

واللى باعتك كداب

مش بالذل حاشوفكم غير

ولا استرجى منكم خير

انتم كلاب الحاكم

واحنا الطير

انتم التوجيه واحنا السيل

انتم لصوص القوت

واحنا بنبنى بيوت

احنا الصوت ساعه ما تحبوا الدنيا سكوت

احنا شعبين ..شعبين ..شعبين

شوف الاول فين ؟؟

والتانى فين ؟؟

وآدى الخط ما بين الاتنين بيفوت

انتم بعتم الارض بفاسها ..بناسها

فى ميدان الدنيا فكيتوا لباسها

بانت وش وضهر

بطن وصدر

والريحه سبقت طلعت انفاسها

واحنا ولاد الكلب الشعب

احنا بتوع الاجمل وطريقه الصعب

والضرب ببوز الجزمه وبسن الكعب

والموت فى الحرب

(عبد الرحمن الأبنودي)

الأربعاء، 2 يونيو، 2010

فــ حضن النور


فــ حضن النور




هموم الخلق منثورة

علي الصفحات

فــ حضن النور..

كما النجمات ..

بترمي الشوف ..

لعل الدنيا تلمح يوم

خطوط الخوف ...

ما بين الجاي والي فات ..

علي جبين السما والنور ..

بتتلفت عيون وتدور ..

وتشكي هموم ...

وتتخفي من المجهول ...

تنادي الصبح فــ الملكوت ..

تنادي حلمنا الساكت...

وتفتح ميت طريق مسدود ..

تشد لجام ...

وتستنهض قلوب فرسان ..

تلون كونها بالإحساس ..

كأجمل لوحة من فنان ...

وتغضب ..تجري..

مــ الاوهام

تعيش الحلم بالموجود ...

ولو كان الوجود ..مرفوض

وتتكلم ..وتتخانق

وتتنهد..من الأشواق

لحد ما يرجع المفقود ...