الأربعاء، 2 يونيو 2010

فــ حضن النور


فــ حضن النور




هموم الخلق منثورة

علي الصفحات

فــ حضن النور..

كما النجمات ..

بترمي الشوف ..

لعل الدنيا تلمح يوم

خطوط الخوف ...

ما بين الجاي والي فات ..

علي جبين السما والنور ..

بتتلفت عيون وتدور ..

وتشكي هموم ...

وتتخفي من المجهول ...

تنادي الصبح فــ الملكوت ..

تنادي حلمنا الساكت...

وتفتح ميت طريق مسدود ..

تشد لجام ...

وتستنهض قلوب فرسان ..

تلون كونها بالإحساس ..

كأجمل لوحة من فنان ...

وتغضب ..تجري..

مــ الاوهام

تعيش الحلم بالموجود ...

ولو كان الوجود ..مرفوض

وتتكلم ..وتتخانق

وتتنهد..من الأشواق

لحد ما يرجع المفقود ...

هناك 3 تعليقات:

شوشو يقول...

رااااااائع جدا

دمت مبدعا

sun of free dom يقول...

ف حضن النور
اللى دايما شايفينه ظلام

سلمت الايادى

غير معرف يقول...

جميلة جدا فى حضن النور دى يا بوها
جزاكم الله خيرا
بجد الكلمات تعجز عن وصف مدى روعتها
ميدو