شايف عيون البحر بتنادي ..
شايف امل…
وعبير زهور…
وكلمة حب …
بتمد لي ايادي ..
وانا بنادي ….
جفون النخل فرحانه …
بنور الشمس ..
وشمعة ليلي زعلانه …
بتهمس همس ..
تنادي الصبح جوايا ..
تطفي النار…
وانا معايا ….خيوط الامس
بجمعها وبنسجها …
وتطلع توب يفرحني …
وفرحتي…
تسد عين الشمس…
وانا بنادي ….
في ليل احزان …
وظلم خسيس..
وضعف جبان…
بالاقي النور ..بيهمسلي .
وينصحني …
اسيب الماضي والاحزان ..
وانور ضلمتي …السودة
بنور الحب والايمان ….
واعيش الدنيا اغنية ..
اغنيها والحنها ..
بدون اوتار …
وتطلع احلي اغنيه ..
ويملي لحنها الأكوان ..
وانا بنادي ..
علي نفسي …
انا منك
لكني مختلف عنك
انا رسمك …
لكن الرسم مش رسمك ..
انا همك …
وهمي الفرح…
وانتي مش همك
انا فرحك ..
وفرحك حزن …
ما هو فرحك بقي غمك
عرفتي ليه بقي يا نفسي..
انا مختلف عنك...
هناك تعليق واحد:
جميييييييييييييلة
بجد عجبتنى جداااا
بورك لك فى قلمك
إرسال تعليق