الجمعة، 10 أبريل 2009

ابتــــــسامة ..بــــــــــــــراءة
داعبته ... لاعبته .... فأبتسم ... وارتسمت الابتسامة علي وجهة وكأن الدنيا تحولت من سواد قاتم الي لوحة مزخرفة بالوان متفتحة ... وتعالت ضحكاته بصوتها المتهدج الرائع ...
وتكلم بكلماته المبعثرة .. التي تخلط فيها مخارج الحروف فينطق السين ثاء والجيم كاف ... بطريقة تعبر عن كل ما في طفولته من براءة ووداعة ...عندما اسمع الكلمات بلغته الغريبة يرقص قلبي فرحا وينشرح صدري وتنفرج اساريري ...لانه تكلم وضحك وابتسم ...
حتي عندما يحزن ... ويأتي الي ويقترب ويتدلي خديه الي الأسفل قاطبا حاجبيه ويحاول مد شفتيه الي الأمام ليعبر عن حزنه بطريقته الخاصة .. عندما تسأله عن حاله ....يرد عليك بصوت خافت وبلغة غير مفهومه (ملكث دعوة انا مخاثمك )
فتقترب منه وتعطيه قطعة من الحلوي وتحاول أن تسرق ضحكاته من بين شفتيه الرقيقتين .. فيطير فرحا بما أعطيته وكأنك أعطيته الدنيا بكل ما فيها ....
ما أحلي أن تتعامل مع طفل ..ما أجمل أن تتخلي عن كل قيود الحياة وتعود معه الي مراحل طفولتك بكل ما فيها ... من معان ٍ رقيقة جميلة لا تعرف معانها الا في أوجه الأطفال....
إنها من أسعد لحظات الحياة ...بالنسبة لي .
بقلم
بوها

هناك 20 تعليقًا:

زعبولا يقول...

عسل يااخواتى

بس كن عايز اعرف اية سبب كتابة هذة الكلمات


اوعى تقولى


ملكث دعوة انا مخاثمك

بوها يقول...

زعبولا حبيب قلبي ...
عادي مفيش سبب انا بس بحب الاطفال
ومتخفش مش هقولك ملكث دعوة ههههههههه

مصعب صلاح يقول...

كلاماتك جميلة جدا
------
شكرا ع التعليق عندي وأنا مش خايف من الجحيم بس ف الاول وف الاخر هو جحيم
تقبل مروري

بـــــــــــــــــــــــــــــــــــــــــــــــوها يقول...

جزاك الله خيرا اخي مصعب صلاح ... بس ايه الجحيم انا بصراحة مش فاهم

بـــــــــــــــــــــــــــــــــــــــــــــــوها يقول...

اه افتكرت ...ههههه لا اهم حاجة تكون قوي االاعصاب
واقرا فوبيا الامتحانات هتفيدك يا اخي
جزاك الله خيرا علي مرورك اخي مصعب

أحمد يقول...

إيه ياض يا بوها انت خلفت ولا ايه واحنا مش واخدين بالنا ؟

بـــــــــــــــــــــــــــــــــــــــــــــــوها يقول...

لا يا باشا مخلتفش ولا حاجة بس انا بحب الاطفال ....
انت انهي احمد فيهم ....

أحمد يقول...

مش هقول :P

بـــــــــــــــــــــــــــــــــــــــــــــــوها يقول...

طيب يا سيدي علي العموم شرفت المدونة

أحمد يقول...

مشرفة بأهلها :D

زهرة الجبل يقول...

خاطرة أكثر من راااااائعة

أنا أعشق الأطفال وبحب أتكلم زيهم :D

نفسي أرجع طفلة تانى عشان أعيش حياتى بلا قيود

بـــــــــــــــــــــــــــــــــــــــــــــــوها يقول...

جزاكي الله خير بشمهندسة زهرة علي المجاملة الجميلة دي


فعلا عالم الاطفال .... احسن عالم ...


بس للاسف مينفعش نرجع تاني

خالد عادل يقول...

قلم بوها جميل....من بساطة الكلمات و ثقل المعنى


ممتازة يا بوها

بـــــــــــــــــــــــــــــــــــــــــــــــوها يقول...

الله يخليك يا خالد جزاك الله خيرا كثيرا


مش اوي كده ثقل معاني مرة واحدة انا علي ادي يا عم خالد

زهرة الجبل يقول...

عايزين تانى من ده :D

الطفل يقول...

مااجمل حياة الاطفال

هو ينفع الواحد يعيش طفل وههو كبير

بـــــــــــــــــــــــــــــــــــــــــــــــوها يقول...

اخي الطفل ....


ينفع نعيش بروح الاطفال طبعا واحنا كبار ... ونقاء نفوس الاطفال لكن للاسف الحكاية دي بتطول كتير يا دوب ممكن تبقي ساعات او ايام ونرجع تاني للحياة العادية .... ولكن ده ممكن ...

ان شاء الله احاول اكتب حاجة عن الاطفال تاني يا بشمهندسة زهرة باذن الله بس انتو قولو يارب

أفــئــدة الــطـــيـــر يقول...

براءة الاطفال .. ويحها من براءة ،رغم قصر زمنها لأنهم سرعان ما ينتسبون الى مرحلة ما بعد البراءة ؛ لكنها من أجمل وأجلَّ مراحلهم ومراحلنا معهم

تنظر اليهم وكأنك ترى أفئدة ولها جناحان فيمدونك بإحساسه لتحلق معهم فى عالمهم الخاص فتجد حالك ترقص وتلعب وتلهو رغما عنك ، حتى لو كنت ابن الستين او التسعين

وحدهم من يقدرون أن يخرجوا مكنوننا بلمستهم الحانية ، وقبلتهم البريئة ..

بوركت اخى على ما خطت اناملك

ولى مزيد السعادة لأن ارتاد مدونتك للمرة الاولى ..

تحياتي أفئدة الطير

بـــــــــــــــــــــــــــــــــــــــــــــــوها يقول...

جزاكي الله خيرا اختي افئدة الطير علي هذة الكلمات الجميلة ......
وارجو الا تكون الزيارة الاخيرة ... تزدادالمدونة شرفا بزوارها بل اصحابها

معنى الحياه يقول...

فكرتنى ببيتين شعر بحبهم جدددا

والله ولما تكون زعلان مفيش حاجه ممكن ترسم بسمه صادقه على وشك غير ابتسامه طفل

رائع اوى جزاكم الله خيرا

البيتين اهم

يارب من أجل الطفولة وحدها ** أفض بركات السلم شرقاً ومغربا

وصن ضحكة الأطفال يارب إنها ** إذا غردت في موحش الرمل أعشبا