السبت، 18 أبريل، 2009

الحب ...


.........الحب.........
....الحب فواحة تديني أحلي عطور ...
....الحب جنة مليانة فراش وزهور....
الحب قمراية في سمانا تفتح طريق النور
قلبي وقلبك يلتقواعصفورة مع عصفور
.........الحب.........
الحب مش تمشية ع الكورنيش وحمص شام
...الحب مش أغنية تسمعها تعيش في هيام ...
.....الحب مش تعذب قلبك سنين وأيام ....
.........الحب.........
......الحب فطرة خلقها ربي جوايا .......
الحب كلمة لأمي وضحكة من قلبي وصحابي وويايا
.........الحب.........
الحب هزة في قلبي لما شوفتها
الحب ...طلبت ايدها خطبتها
الحب كتب كتاب وفرحة أهلي وأهلها
.........الحب.........
الحب صوت ابني ...وضحكته الأمورة
الحب أسرة وعيلة متجمعة في الصورة
الحب اخ كبير في ايده أخته الصغنونة
.........الحب.........
الحب سجدة عبد في الليل بينادي ربه
الحب دمعة تايب نفسه يغفر له ذنبه
.........الحب.........
..احترت اقول معناه مهما سطرت سطور
مهما هقول واقول مش هكشف المستور
مش هقدر عمري اوصف الحب اصله شعور ...



هناك 15 تعليقًا:

مسلم نفسه يعيش للإسلام يقول...

جاااااااااامدة اوي يا بوها

بـــــــــــــــــــــــــــــــــــــــــــــــوها يقول...

الله يا يخليك يا حبيبي قلبي يا مسلم ....يا رب اشوفك علي طول منور المدونة

مصعب صلاح يقول...

وأحيانا يكون الحب وهم
كلنا بنعيشه عشان مش لاقيين حاجة نعملها

بـــــــــــــــــــــــــــــــــــــــــــــــوها يقول...

بس ده ميبفاش حب اخي مصعب ...ده يبقي وهم
الحب الحقيقي اسمي ان يكون مجرد وهم ...
جزاك الله خيرا علي الرد

خالد عادل يقول...

اييه الحلاوة دى يا واد والله جميله جدآ

زهرة الجبل يقول...

حلوة أويييي

أكتر حته عجبتنى

.........الحب.........
الحب صوت ابني ...وضحكته الأمورة
الحب أسرة وعيلة متجمعة في الصورة
الحب اخ كبير في ايده أخته الصغنونة

جميلة أوى ..

ربنا يبارك لك فى قلمك

بـــــــــــــــــــــــــــــــــــــــــــــــوها يقول...

جزاكي الله خيرا بشمهندسة زهرة ...
اشكر مرورك ....الحتة دي برضو علي فكرة عجباني شخصيا

بـــــــــــــــــــــــــــــــــــــــــــــــوها يقول...

جزاك الله خيرا خلود .....انت احلي

غير معرف يقول...

.

غير معرف يقول...

جميلة يابوها بس ضيعت عليا محاضرة الاستات

هههههههههه

بـــــــــــــــــــــــــــــــــــــــــــــــوها يقول...

ههههههههههههههههههههههههه

ماشي يا باشا انت عبده اكيد

abdelwahab يقول...

مش هاقدر اوصف الحب اصله شعور
كلمه هزت قلبي

بـــــــــــــــــــــــــــــــــــــــــــــــوها يقول...

هزت قلبك

كام ريختر بقي يا عبد الوهاب يا جميل

غير معرف يقول...

جميل جدا يا بوها
ايه الكلام الجامد ده ياعم

ربنا يوفقك دايما :)

Omr-Ahmed :)

بـــــــــــــــــــــــــــــــــــــــــــــــوها يقول...

جزاك الله خيرا يا عمور يا جميل ......ربنا يا يوفقك يا باشا ...

وجزاك الله خيرا علي الكلام الجميل