السبت، 9 يناير، 2010

عشقتك ...في حب مصر




عشقتك

عشقت ترابك المسحور


سحر قلبي ...


عشقت جبينك البنور ...


وزاد حبي ....


عشقتك ...وعشق فيكي


من قلبي ...


رسمتك ع الورق قمرة ...


تنور في الظلام ليلي


وناديتك في أحلامي ...


تدواي وجعي وانيني ...


وشوفتك في السماء نجمة ...


تضوي ...تقويني و تحميني ....


تونسني تغنلي ...

اغاني


زي الشهد والسكر ...


وعشقي فيكي زاد اكتر ..


بشوفك ضحكة...او همسة


بتتغندر وتتمختر ...


تنادني ....وتأوني


تطمني ....تواسيني ..


يا شايل حبي فوق كتفك


اوعي تخاف من العسكر ....


ساعتها القلب يتأثر ...


ويصبر علي العذاب اكتر ...


وهعمل ايه ..ما انا عشقتك ..


زرعت العشق في الغيطان ...


طرح فيكي امان وحنان ...


وقولت بقلبي للسجان ...


مبخافشي ...ومش همشي ...


ومش خايف من القضبان ..


في عشقك هسجن السجان ...


ولو حتي هموت في السجن ..


اموت ....

وعمري ما ابقي جبان ..

هناك 4 تعليقات:

شوشو يقول...

راااااااائعه جدا

فعلا ابدعت


جزاك الله خيرا

شوشو

بـــــــــــــــــــــــــــــــــــــــــــــــوها يقول...

جزاك الله خيرا أختي الكريمة شوشو

الرائعة هو مروركم ...

جزاك الله خيرا

رحيق يقول...

ماشاء الله عليك ربنا يباركلك ويثبتك علي طاعته

بـــــــــــــــــــــــــــــــــــــــــــــــوها يقول...

جزاك الله خيرا دكتور رحيق ...

اكرمك المولي

تشرفت بمرورك وزيارتك لمدونتي المتواضعه

واتمني ان تكون من المتابعين

جزاك الله خيرا