الثلاثاء، 10 أغسطس 2010

أحاسيس رمضان -1

رمضان كريم - أول الليالي




النهاردة أول ليلة في رمضان - كل سنة وانتم طيبين - اكيد طبعا كلكم بتحسو باحساس مختلف مع رمضان

ومع كل ليلة في احساس يختلف عن الليلة اللي قبلها

انا هحاول اكتب احساسي علي قد ما أقدر ॥هحاول مع كل ليلة أكتب إحساسي هنا

النهاردة كان الإحساس الأول

هحكيلكم قصة الأول وأنا صغير فاكر جدا يوم رؤية زي امبارح بالليل كده

اليوم ده أنا عمري ما نسيته ولا هنساه بإذن الله لأنه كان يوم مميز جدا في حياتي

عشان سمعت فيه صحية هزت قلب طفل صغير من الفرح

يومها الناس كلها كانت قاعدة بتستعد عشان تسمع إذاعة الرؤية

وأول ما المفتي وكان تقريبا الشيخ نصر فريد واصل

أول ما أعلن أن غدا أول يوم لشهر رمضان

سمعت صيحة كبيرة هزت الشارع من الناس

هيــــــــــــــــــــــــــــــــــــــــــــــــــــــــــــــــــه

هي دي السنة الوحيدة الي سمعتها فيها بعدها مبقتش اسمعها

تفتكرو قيمة رمضان قلة في قلوب الناس ولا الدنيا بقي إيقاعها سريع لدرجة الناس مبقتش تلحق تفرح

علي العموم انا احساسي كان في قمة الفرح امبارح بالذات لما عرفت ان خلاص اول ليلة من رمضان شرفت

وان الحمد لله ربنا بلغني رمضان وعشت ولم يقدر لي الموت

الإحساس ده رهيب وجميل ॥يا تري هقدر أحافظ علي النعمة دي

خلاص الشياطين صفدت ...ومبقاش قدامي غير نفسي

أرودها وأربيها ...

علي العموم مش هطول عليكم ॥ورمضان كريم

حافظوا عليه ॥وأحمدو ربنا كتيير أنه أنعم علينا وبلغنا رمضان

يلا كلنا في نفس واحد نقول

الحمد لله

سلام عليكم وأقابلكم الإحساس الجاي

ليست هناك تعليقات: